Nordre

Nordre er lokalavisa for industri-, jordbruks- og kulturkommunane Haram og Sandøy på nordre Sunnmøre. I området bur det omlag 11 000 menneske. Avisa har kontor i Brattvåg i Haram kommune. I 2013 endra avisa namn frå Haramsnytt til Nordre. Haramsnytt blei etablert i 1971. Papirutgåva av Nordre kjem ut torsdagar. Nettavisa nordrenett.no blir oppdatert kvar dag. Her finn ein også elektronisk versjon av papirutgåva, e-avisa. Vi har som mål å gi ei god og brei dekning av aktuelle nyhendesaker, kulturstoff, sport og næringslivssaker. Vidare skal Nordre vere den naturlege oppslagstavla for lag, organisasjonar, privatpersonar og andre arrangørar og annonsørar i dekningsområdet.